Mercoledì, 20 Settembre 2017
Unitelsardegna Logo
Piattaforma didattica >>
 

SERRENTI, ATIVATZIONI DE SU CURSU DE LIMBA SARDA DE TERTZU LIVELLU

Pubblicazione: 
Venerdì, 7 Giugno, 2013 - 11:10

 

De su mesi de làmpadas 2013, po mesu de su progetu Lei 482/99 coordinadu de sa Provìntzia de su Campidanu de Mesu, ant a inghitzai is cursus de formatzioni de Lìngua Sarda me is Comunus de Biddaxidru, Guspini, Serrenti e Genuri. Is cursus de Limba Sarda funt indiritzaus a is dipendentis de s’amministratzioni pùblica ma nci podint puru partetzipai totu is citadinus chi faint rechesta. Is cursus ant a essi fatus in sardu campidanesu (bariedadi meridionali) de maistus espertus e cun esperièntzia manna: Prof. Carlo Pillai (ex Subrintendenti de is benis archivisticus de sa Sardigna), Prof.Francesco Casula (stòricu e linguìsta), Prof. Mario Puddu (Universidadi de Cateddu) cun s’agiudu de is tutor po su coordinamentu e su sustennu didàticu. S’atividadi de formatzioni at a essi organizada in d-una letzioni a sa cida de tre oras, po 2/3 mesis prus o mancu. Is su Comunu de Serrenti est previdiu unu CURSU DE LIMBA SARDA DE TERTZU LIVELLU, po afortiai is cumpetèntzias linguìsticas achiridas me is àterus cursus, de primu e segundu livellu chi partint imoi. Is atividadis ant a inghitzai martis su 1 de ladàmini e ant a acabai martis su 3 de mesi de idas 2013.
Po informatzionis e iscritzionis podeis cuntatai s’URP de su Comunu de Serrenti: 07091519213, segreteria.serrenti@tiscali.it