Sabato, 23 Settembre 2017
Unitelsardegna Logo
Piattaforma didattica >>
 

Sàrdara – Presentada Innu Fortza Paris

Pubblicazione: 
Lunedì, 13 Maggio, 2013 - 10:19

 

Standing ovation po s’Innu de sa Natzione Fortza Paris. Esecutzioni chi at ammodhiau su coru a su púbblicu e a is 80 elementus de is corus polifónicus chi ant cantau is nodas de s’Innu propostu a is sardus: “unu sèmini ghetau in sa terra bona chi est su coru de is Sardus”, cumenti at nau in sa presentada Mario Puddu su professori, autori de su testu.

Dh’at torrau su Maistu Mariano Garau chi at musicau s’Innu: ho conosciuto prof. Puddu durante una celebrazione di “Sa die de sa Sardigna” e rimasi colpito dai fatti storici da lui raccontati e a me allora del tutto sconosciuti. Un’Innu chi in s’idea de is autoris tenit s’ambitzioni e si càndidat a preni un’istampu buidu: is innus istóricus connotus, mancai bellus e pretziaus, po unus cantu de arrexonis no dexint a rapresentai unu pópulu. Su coru dhu at ghiau beni Maistu Pittau. Maistu Foddai de sa banda de Arbus, chi at assetiau e cunformau is nodas po sa banda no dhoi fut; est própiu cun d-una sonada po banda, una màrcia po is sardus incarreraus in sa bia po su tempus benidori, chi s’est intzídiu su CD ofertu a totu su púbblicu. A su pianoforti chi at acumpangiau su coru, at sonau cun abbiléntzia manna su Maistu Anna Maria Dessí.

Donu de Puddu a su Comunu de pignoni e bandera sarda.
Sa presentada dhat at registrada in àudiu-vídeu Piero e Tomas Tatti de M3Tfilm e “montau” cun is màginis de su tzentru istóricu nodiu de sa Tzitadi de is bàngius. Su DVD dh’ant donau a su comunu e chi si podit iscarriai de su giassu comunali etotu:

http://www.comune.sardara.vs.it/sardara/opencms/www/Sinistra/Community/A...

Una gente una limba una terra In is séculos tenta a cadenas/Irdorruta de ungas angenas/Bogat cara a su mundhu avilida. Pesa! E bae in sa lughe a sa vida, / O Natzione de numen Sardigna: Beridade prus santa e prus digna/Est chi líbbera sigas e sias!
S’Amministratzioni Comunali torrat gràtzias a Prof. Puddu e a su maistu Garau po ai isceberau Sàrdara cumente logu po sa presentada e a sa M3Tfilm po su bellu DVD.

Giampaolo Pisu – consilleri comunali Sàrdara