Sabato, 18 Novembre 2017
Unitelsardegna Logo
Piattaforma didattica >>
 

BORTIGALE E BÌRORO - “PRIMAVERA NEL MARGHINE” – BERANU IN SU MARGINE 2013, AMMENTENDE SOS 70 ANNOS DE “RADIO SARDEGNA”

Pubblicazione: 
Giovedì, 13 Giugno, 2013 - 12:42

 

de Màriu A. Sanna (Operadore Mandamentu VII)

 

Sas Amministratziones Comunales de Bortigale e Bìroro organizant in sas dies de sàpadu 22 e domìniga 23 de làmpadas 2013, sa manifestatzione PRIMAVERA NEL MARGHINE 2013, umpare cun s’ASPEN de Nùgoro; ma at a èssere puru s’ocasione pro festare sos 70 annos de sa nàschida pròpriu in Bortigale durante sa segunda gherra manna de RADIO SARDEGNA.

In sas duas dies b’at a èssere sa possibilidade de bìdere mustras in subra de s’istòria de sa ràdiu, de gustare peta bula, casu e cordulas e de connòschere s’istòria de sos monumentos e de su terrìtoriu de sa bidda de Bortigale.

Ma b’at a èssere sa possibilidade de sìghire puru sas mustraduras de tecnicas de tiru de sos Arcieris de su Màrghine e sas mustraduras de comente bolare cun su deltaplanu e sos parapèndios; s’at pòdere bìdere puru s’isfilada de sos cadderis e de sa fèminas in costume de sa bidda; b’at a èssere sa possibilidade de bìdere fotogràfias, operas artisticas e connoschere sos produtores  e sos prodotos de sa bidda.

Sàpadu 22 a sas oras 10.00 in sa palestra comunale, b’at a èssere unu cunvegnu de importu mannu: “DALLA RADIO ALLA RETE”- “DAE SA RÀDIU A SA RETZA DE INTERNET”,  a su cale at a partetzipare Maria Elettra Marconi, fìgia de Guglielmu Marconi, su “babu” de sa ràdiu.

Iscarriga su programma de sa PRIMAVERA NEL MARGHINE- BERANU IN SU MÀRGHINE e 2013- BORTIGALE e BÌRORO PRIMAVERA NEL MARGHINE IN SARDU 2013 BORTIGALE.PDF

 

Fonte