Regulamentu:
1) Su cuncursu est partzidu in duas setziones:
a. I setzione: cumpositzione de unu contu in limba sarda pro sos pitzinnos de sas classes 4^ e 5^ elementare e pro sos pitzocheddos de sas iscolas mèdias.
b. II setzione: cumpositzione de unu contu in limba sarda apertu a totus.
2) A su cuncursu podent leare parte totus sos sardos, siat chi bivant in sos comunes inditados, siat chi bivant foras.
3) Su tema est lìberu pro ambas sas setziones.
4) Sos contos, iscritos a màchina in fozos de formau A4, ant a èssere longos dae sas 2 a sa 3 cartellas pro sa prima setzione; dae sas 3 a sas 8 cartellas pro sa segunda. Sas cartellas ant a èssere de baranta rigas onniuna.
5) Pro leare parte a su cuncursu non si devet pagare nudda.
6) Sos contos non devent èssere istados giai publicados e non devent àere leadu parte in àteros cuncursos literàrios.
7) Sos contos devent èssere presentados in 4 còpias anòmimas. Devent èssere postos a intro de una busta manna in ue devet èssere inditada sa setzione. A intro de sa busta manna tocat a nde pònnere un’àtera prus pitica, serrada, in ue si devet iscrìere su nùmene e su sambenadu, s’indiritzu, su nùmeru de telèfono, s’indiritzu de posta eletrònica e una decraratzione de comente su contu est istadu iscritu dae sa pessone chi dd’at mandadu.
8) Sos contos devent èssere mandados fintzas cun posta eletrònica a sos indiritzos: pinnantonella@gmail.com sarafirinu@tiscali.it;
9) Sos contos devent arribare cun racumandada A/R intre e non prus a tardu de su 19 de trìulas 2010 a custu indiritzu:
CUNCURSU LITERÀRIU IN PROSA “Pabàriu”
COMUNE DE PAULE
VIALE DE SA LIBERTADE N.33 – 09070 PAULE (OR)

10) Sos contos no ant a èssere torrados a sos autores e sos Comunes ddos ant a publicare.
11) Una cummissione de zente cumpetente, chi at a tènnere a presidente unu iscritore connotu, at a detzìdere cales contos ant a èssere premiados. Su chi detzidint non podet èssere tirriadu.
12) Ant a èssere premiados cun targas e atestados sos primos tres de onni setzione. Sa giuria podet fintzas detzìdere de dare mentziones ispetziales.
13) Sa premiatzione at a èssere fata in Santa Cristina (Paule) su 25 de Cabudanni. In sa matessi die s’at a fàghere fintzas unu cunvènniu pro faeddare de literadura sarda e ant a faeddare professores e espertos cumpetentes.
14) Su bandu de su cuncursu si podet iscarrigare dae sos sitos: www.comunepaulilatino.org, www.comune.bonarcado.or.it www.comunefordongianus.it

Pro nd’ischire de prus, tzìrria a sas referentes de sos Comunes interessados:
• Paule - Sara Firinu - lunis, mèrcuris e chenàbara dae sa 09.30 a sa una – telèfono 0785/55623 – 3493427539
• Bonàrcadu e Fordongianus - Antonella Pinna – onni die - tel. 0783/56523-0783/60123- 3471563622